Avokati i Popullit, Igli Totozani, ka reaguar në lidhje me vrasjen e ish-drejtorit të policisë së Vlorës, Artan Cuku, vrasje kjo e ndodhur mbrëmjen e djeshme në kryeqytet.
E ndërsa i shprehu ngushëllimet familjarëve të komisar Cukut, Totozani u bëri thirrje organeve kompetente të zbardhin menjëherë ngjarjen e rëndë.
“I shpreh ngushëllimet më të ndjera familjarëve të Artan Cukut. Ngjarja duhet të zbardhet sa më parë nga organet kompetente dhe agresorët duhet të dalin para drejtësisë”, – tha Avokati i Popullit.
Ish-zyrtari i lartë i policisë, u ekzekutua dje në pritë pranë banesës së tij në Tiranë, te “Rruga e Kosovarëve”.
Shfaq Komentet (0)